2020-2021 оны хичээлийн жилд нэгдүгээр ангид элсэх сурагчдын бүртгэлийн талаарх Боловсрол шинжлэх ухааны яамны сайдын 194 дүгээр тогтоол гарсан байна. Одоогоор өндөржүүлсэн бэлэн байдал зарласан учраас наймдугаар сарын 2 дугаар хагаст шинээр элсэгчдийг бүртгэхээр товлосон бөгөөд бүртгэл орон нутагт нэгдсэн журмаар явагдах аж.

2019-2020 оны хичээлийн жилд ЕБС-ийн нэгдүгээр ангид зургаан настай 40 мянга орчим сурагч шинээр элсэж байсан бол энэ жил урьдчилсан байдлаар 81 мянган сурагч нэгдүгээр ангид элсэх төлөвтэй байна. Шинэ хичээлийн жилд 2014 оны нэгдүгээр сарын 1-ээс мөн оны 12 дугаар сарын 31-нийг дуусталх хугацаанд төрсөн хүүхдүүдийг бүртгэнэ.