Ховд аймгийн ард иргэдийн дунд тулгамдаад байгаа асуудлын нэг нь мал махны үнэ юм. Тэгвэл мал махны үнийг тогтворжуулах, иргэдэд хямд үнэтэй мах худалдан авах боломжийг бүрдүүлэхээр ЗДТГ-аас тодорхой бодлого боловсруулан ажиллаж Хан Жаргалант Ховд хоршоо, Шинэ Ховд баруун бүсийн хөгжлийн корпорациар  дамжуулан иргэдийн гар дээр хүргэж байна. Өнөөдрийн байдлаар нойтон мах захын лангуун дээр хамгийн дээд тал нь кг тутамдаа 14.000 төгрөгөөр худалдаалагдаж байна.Тэгвэл ЗДТГ махны дээд үнийг 8000-7500 төгрөг болгож бууруулна гэв. Хамгийн гол нь махны үнийг цаашид нэмэхгүй байх нь чухал байна. Хэрэгжүүлж буй төсөл хөтөлбөр нь богино биш урт хугацааных байж чадваас ард иргэдэд үр өгөөжөө өгнө. Иймд аймаг орон нутаг махны үнийг тогтвортой байлгах тал дээр урт хугацааны бодлого баримталж, бодит үр дүнд хүрэх нь чухал байгаа юм. 

2021.09.14