Ховд аймгийн Дөргөн сум нь аймгийн төвөөс 100 км-ын зайд байдаг. Тус сум нь мал аж ахуйн 3, төвийн нэг багтай. 3100 гаруй хүн ам оршин суудаг. Энэ жил Дөргөн суманд чамгүй хөрөнгө оруулалт хийгдэж, ард иргэдийг ажлын байраар хангах, жижиг дунд үйлдвэр эрхлэгчдийг дэмжсэн жил болсныг онцоллоо. Өвөлжилтийн бэлтгэл ажлаа бүрэн хангаж, 260 мянга орчим тоо толгой мал өвөлжихөөр байна. Аймгийн зарим сумдад малын гоц халдварт шүлхий өвчин тархсантай холбогдуулан хил залгаа сумдад хяналт тавьж, отор нүүдэл хийлгэхгүй байх зэрэг ажлуудыг зохион байгуулж эхэлжээ. Тус сумын хувьд Тэмээн сүргээрээ бусад сумдыг тэргүүлдэг. Өнгөрсөн 2020 онд гэхэд л 7000 гаруй Тэмээ тоолуулж хамгийн их тэмээтэй сумдын нэгт багтжээ. Тийм ч учраас тэмээн сүргээ "Омог" болгох томоохон  ажлыг эхлүүлэхээр төлөвлөжээ