Ховд аймгийн Мөст сумаас аймгийн ИТХ-ын төлөөлөгчөөр сонгогдсон Т.Баярсайхан нь өнгөрсөн оны 05 дугаар сард хорио цээрийн дэглэм зөрчиж Бичигтийн постоор нэвтрэх гэж байсныг Ховд.мн сайт газар дээр нь сурвалжилж зөрчлийг илрүүлж байсан билээ. Тухайн үед хаашаа явж байгааг нь асуухад "Чамд ямар хамаатай юм" хэмээн хэл үгээр доромжилж ёс зүйгүй авирлаж байсан. Тэгвэл дахин ёс зүйгүй авир гаргаж хажуугаар нь өнгөрч явсан сэтгүүлчийг шантаажчин авгай, чи согтуу байна гэх мэтээр доромжилсон юм. Тийм ч учраас Ховд.мн сайт цагдаа дуудаж газар дээр нь шалгууллаа. Энэ мэт ёс зүйгүй авир гаргадаг төлөөлөгчидөө МАН хариуцлага тооцохыг шаардаж байна. Уг асуудалд МАН-ын ёс зүйн хороонд гомдол гаргаж, цагдаагийн байгууллагаар шалгуулахаа мэдэгдэж байна. 2022.07.05