Өнөөдөр аймгийн ИТХ-ын 10 дугаар хуралдаан болж байна. Хуралдааны үеэр эх хүүхдийн эндэгдлийн тоо эрс нэмэгдсэн гэх асуудал хөндөгдөж зарим төлөөлөгчид эрүүл мэндийн салбарынхныг үнэн бодит мэдээлэл өгөхийг хүслээ. Ховд аймгийн ЭМГ-ын дарга Ц.Мягмарсүрэн хэлэхдээ он гарснаар 0-5 насны 31 хүүхэд эндсэн үүнээс 0-1 нас хүртэлх 23 хүүхэд дутуу төрөлт, амьсгал гачаадлын хам шинжээр, 0-8 насны 5 хүүхэд зам тээврийн ослоор эндэж байна гэв. Дутуу төрөлтөд нөлөөлж буй гол шалтгаан нь эхчүүдийн эрүүл мэнд асуудалтай байгаатай холбоотой гэж үзэж байна.