Ховд  аймгийн ЗДТГ болон хэлтэс, байгууллагын дарга нарыг томилохгүй, түр орлон гүйцэтгэгч нараар удирдуулаад байгаа нь олон нийтийн шүүмжлэлийг дагуулаад байгаа юм. Түүний нэг жишээ ХХААГ-ын даргын асуудал юм. Тодруулж хэлбэл аймгийн Мал эмнэлэгийн газрын дарга Д.Батцэнгэлийг ХХААГ-ын даргаар түр томилсон. Нэг ёсондоо хоёр байгууллагыг нэг даргаар удирдуулж, түр орлон гүйцэтгэгч гэх нэрээр төрийн ажлыг салгардуулж байгаа юм. Энэ асуудлаар Д.Батцэнгэл даргаас тодруулахад манай аймгийн дарга нар шийдэл гаргаад намайг давхар хариуцаад явж бай гэсэн одоо тэгээд  хурдхан хүн амьтнаа зарлаад дараагийн хүнээ томилох байлгүй дээ, Би ажил хавсаргаад явж байгаа томилогдох сонирхол алга гэх тайлбарыг өглөө.