Ховд аймгийн ЗДТГ, хэлтэс, байгууллагын дарга нарын томилгоог хийхгүй, түр орлон гүйцэтгэгч гэх нэрийн дор түр томилгоо хийгээд байгаа нь төрийн ажил салгардахад хүрч байна гэж олон нийт шүүмжлэх болсон. Нэг хүн хоёр байгууллагыг удирддаг, жинхэнэ орон тоог нь зарладаггүй асуудлууд манай аймагт газар авсан. Тэгвэл төрийн албыг тойрсон халаа сэлгээ, томилгооны асуудлаар Ховд аймгийн засаг дарга Э.Болормаагаас тодрууллаа. Тэрээр хэлэхдээ бид нар тусгай шалгалтыг нь зарлах хүсэлтийг төрийн албаны зөвлөл рүү явуулсан. Төрийн албаны 73 ажлын байр зарлах ёстой байдаг. Гэтэл ТӨСЗ нь бүрдэж өгдөггүй, дарга нь ажлаа өгсөн. Яг энэ асуудал надад тулгарч байгаа бодит асуудал хэмээн ярив.