Ховд аймгийн Чандмань сумын Тахилт багийн “Дөргөн хатан” гэдэг газар аймгийн төвөөс баруун урд зүгт 240 км, сумын төвөөс зүүн хойд зүгт 80 км-т Говь-Алтай аймгийн харьяат 30 настай иргэн Б нь “Дөргөн” нууранд 2021 оны 08-р сарын 03-ны өдрийн 12:30 цагийн үед осолдсон гэсэн дуудлагыг Баруун бүсийн төв-Онцгой байдлын газарт мөн өдрийн 12:59 цагт ирүүлж дуудлагыг 13.03 цагт хүлээн авснаар Ховд аймгийн Онцгой байдлын газрын эрэн хайх аврах ангийн 5 алба хаагч, 1 завь, 1 автомашин, аймгийн цагдаагийн газраас 3 алба хаагч, 1 автомашин, тус сумын засаг даргын тамгын газраас 5 ажилтан, 1 автомашин, нийт 13 хүн 1 завь, 3 автомашин 18:30 цагт очиж эрлийн ажиллагааг зохион байгуулж, тус сумын Тахилт багийн “Дөргөн” нуурын 30 метрт 5 метрийн гүнээс цогцосыг 18:38 цагт гаргаж Ховд аймгийн цагдаагийн газрын мөрдөн байцаагч, цагдаагийн дэслэгч М.Мөнхжавд 20:25 цагт шилжүүлэн өгчээ. Талийгаач нь тухайн өдөр Дөргөн хатан нууранд 2 гэр бүлийн 4 том хүн, 6 хүүхдийн хамтаар аяллаар явж байхдаа ийнхүү нууранд эндсэн байна. Талийгаач нь согтууруулах ундаа хэрэглээгүй байжээ. Иймд иргэд та  бүхэн аялал зугаалгаар явахдаа гол усны аюулаас сэрэмжилж зугаалахыг анхааруулж байна.

2021.08.04