ЗДТГ-ын ХОХБТХ-ийн мэргэжилтэн Б.Түмэндэмбэрэлийг аймгийн ерөнхий архитекторын үүргийг түр орлон гүйцэтгэгчээр 2022.11.15-ний өдөр томилоод байсан билээ. Тэгвэл ХОХБТХ-ийн дарга Б.Баярсүхийг үүрэгт ажлаас нь чөлөөлж тус хэлтсийн даргын үүргийг түр орлон гүйцэтгэгчээр мөн Б.Түмэндэмбэрэлийг 2022.12.22-ний өдөр томилсон байна. Нэг ёсондоо Б.Түмэндэмбэрэлийг хоёр өөр салбарын даргын 2 албан тушаалд түр орлон гүйцэтгэгчээр томилсон гэсэн үг. Б.Баярсүхийг харин ЗДТГ-ын даргын үүргийг түр орлон гүйцэтгэгчийн албан тушаалд нь хэвээр үлдээсэн байна. Ямартай ч жинхэнэ орон тооны сонгон шалгаруулалтгүй түр орлон гүйцэтгэгчээр хэд хэдэн хүмүүсийг ийнхүү томилоод байна. Жинхлэгдээгүй төрийн томилгоо хэдий хүртэл аймгийн саарал ордонд үргэлжлэх эсэх нь тодорхойгүй байна.