Ховд аймгийн Дуут суманд сүүлийн 3 өдөр их хэмжээний цас орж, мал хотноосоо гарах боломжгүй болж, өвс тэжээлийн хомсдолд орж, нөхцөл байдал хүндрэх төлөвтэй байна. 

Тус суманд 324 малчин өрхийн 128 мянган тоо толгой мал өвөлжиж хаваржиж байна.  Отрын бүсэд 10 орчим мянган мал Баян-Өлгий аймгийн Булган, Дэлүүн сумдын нутагт хаваржиж байгаа талаар эх сурвалж мэдээллээ. Цасны хэмжээ хунгарласан газраа 60 см-т хүрчээ. Сумын удирдлагууд туулах чадвар сайтай авто машин байхгүй учир малчиддаа хүрч чадахгүй байна гэв.