Ховд аймгийн Манхан сумын төвөөс 4 иргэн, 3 хүүхэдтэйгээ 2023 оны 05 дугаар сарын 07-наас 08-нд шилжих шөнө тус сумын Ботгон багт байх гэррүүгээ явж байгаад цасанд боогдсон талаарх мэдээллийн дагуу Манхан сум дахь Эрэн хайх, аврах бүлгээс томилогдсон Шуурхай бүлэг, Манхан сумын Засаг даргын Тамгын газрын “Ажлын хэсэг” цасанд боогдсон иргэдийн байгаа газар очиж, зам гарган орон нутгийн цагаар 13:00 цагийн орчим гэрт нь хүргэж өгсөн байна. Тэгвэл мөн Манхан сумын 1 иргэн цасанд боогдож сураггүй болсон байна. Тухайн иргэнийг эрэн хайх аврах бүлэг хайж байгаа юм байна.