Ховд аймгийн Дуут, Мөнхайрхан, Манхан, Зэрэг, Мөст, Мянгад, Эрдэнбүрэн гэх мэт сумдад хаваржилт хүндэрч цагаан зудтай байна. Ялангуяа Дуут, Мөнхайрхан сумдад нөхцөл байдал хүнд байгаа юм. Малчин өрхүүд цасанд боогдож, мал ахуй харганы толгойноос өөр идэх юмгүй болж, хотноосоо гарч бэлчих боломжгүй болсон байна. Өвс тэжээл байхгүйгээс мал гэрийнхээ бүрээс идэх, нэгнийхээ ноосыг зулгааж идэхэд хүрч байна.